Маңғыстаулық "Атриум" командасы әлем чемпионы атанды

Шағын футболдан маңғыстаулық "Атриум" командасы Германияның Эссен қаласында өткен "Socca world cup - 2023" халықаралық турнирінде әлем чемпионы атанды, - деп хабарлайды mangystaumedia.kz сайты.

Қазақстан құрамасы финалда украиналық қарсыластарынан 3:4 есебімен басым түсіп, сенсациялық жеңіске жетті.

Абай Елемесов қарсылас команданың қақпасына алғашқы гол салып, командасын алға шығарды. 14-минуттан кейін Алтынбек Мұрзабеков есепті еселеді.

Ал Украина құрамасынан Андрей Мельник алғашқы голын салды, кейін ойынның 37-минутында есепті теңестірді. Осылайша кездесудің негізгі уақыты тең (2:2) аяқталды. Дегенмен буллитте Қазақстан құрамасының ойыншылары басымырақ (2:1) болды.

Қазақстандық құрама финалға дейін Молдова (3:1), Кипр (2:1), АҚШ (3:2) және Мексика (7-6) құрамаларын ұтты. Турнирге жалпы 44 команда қатысты.

Айта кетейік, сокка – «6х6» форматында шағын футболдан әуесқойлар арасында өтетін жарыс түрі.

Жұлдызай ҚАЛИЕВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.